TIMARAKA: 100 NKARHI: 2½ wa tiawara
Papila leri ri na 7 wa tipheji.
SWITSUNDZUXO
Papila leri ri avanyisiwile hi swiyenge swinharhu:
U languteriwa ku hlamula xivutiso XIN'WE eka xiyenge xin'wana ni xin'wana.
Sungula ku hlamula xivutiso xin'wana ni xin'wana eka pheji yintshwa u tlhela u nkhwatihata emakumu ka xiyenge xin'wana ni xin'wana.
Endla nkunguhato u nga si sungula ku tsala ntirho wa wena. Tirhisa pheji yin'we ntsena ku kombisa leswi u kunguhatiseke xiswona xitsalwana xa wena. Le henhla ka pheji leyi ku fanele ku tsariwa hi maletere lamakulu leswaku i NKUNGUHATO. U nga tirhisa mimepe yo hlengeleta miehleketo. Nkunguhato wu ta averiwa timaraka.
Tsala hi vurhon'wana (swi saseka no vonaka), u landzelela milawu leyi faneleke ya mapeletelo na mahikahatelo.
Vumba tinxaka to hambanahambana ta swivulwa hi ndlela leyi amukelekaka.
Landzelela swiletelo leswi andlariweke eka xivutiso xin'wana ni xin'wana.
XIYENGE XA A: SWITSHURIWA SWA SWITSALWANA
XIVUTISO XA 1
Swiletelo:
Hlawula nhlokomhaka yin'we ntsena leyi u yi twisisaka swinene, kutani u tsala xitsalwana hi yona kambe u nga humi emhakeni.
Rhanga u endla nkunguhato u nga si sungula ku tsala.
Xitsalwana xa wena xi fanele ku va kwalomu ka 400 - 450 wa marito.
Swipyopyi na swidzidziharisi swi ni khombo eka rihanyo ra hina ku fana na leswi vuvabyi bya HIV/Aids byi nga ni khombo hakona. Andlala mianakanyo ya wena ehenhla ka mhaka leyi u ri karhi u nyika swikombiso leswi faneleke. [50]
KUMBE
Tinghozi ta mimovha to tala ti vangiwa hi futa ra ku va ku nga landzeleriwi milawu ya le patwini. Loko wena a wo va Xirho xa Huvonkulu (XH/MEC) xa vulawuri bya swa le mapatwini a wu ta endla yini ku antswisa xiyimo lexi? [50]
KUMBE
A hi swi teke leswaku wena u vonile mhangu yo fana ni leyi nga kombisiwa eka xitshuriwa lexi vonakaka laha hansi. Hi hlamusele leswi yi nga humelerisa xiswona.
Xitshuriwa lexi xi huma eka Vutivi bya Vutomi pheji 15 50 KUMBE
Mudyondzisi wa mina loyi ndzi n'wi tsakelaka ngopfu. [50] KUMBE
Vatlangi lava hlawuriwaka ku ya tlangela xipano xa Bafana Bafana, a va tiyimiseli ku ya yimela tiko ra hina hi ku hetiseka. Aneka miehleketo ya wena ehenhla ka mhaka leyi. [50]
KUMBE
Mhaka ya ku va vanhu va tekana va ri va rimbewu rin'we yi amukeriwa hi vanhu hinkwavo laha tikweni ra hina. Pfumela kumbe u landzula mhaka leyi u ri karhi u nyika swikombiso leswi faneleke. [50]
NTSENGO WA XIYENGE XA A: 50 XIYENGE XA B: SWITSHURIWA SWA SWITSALWAMBIKO SWO LEHA
XIVUTISO XA 2
Swiletelo:
Hlawula nhlokomhaka yin'we ntsena leyi u yi twisisaka swinene, kutani u tsala xitsalwambiko hi yona kambe u nga humi emhakeni.
Rhanga u endla nkunguhato u nga si sungula ku tsala.
Xitsalwambiko xa wena xi fanele ku va kwalomu ka 180 - 200 wa marito.
Sungula nhlamulo ya wena eka pheji yintshwa.
Hi ku leteriwa hi vuxokoxoko bya xinavetiso lexi nga laha hansi, tsala papila ro kombela ntirho lowu navetisiweke.
NHLANGANO WA NDZINDZAKHOMBO WA AFRIKA-DZONGA
NTIRHO WA MATSALANANKULU
Muholo hi lembe ku katsa ni mimphamelo yin'wana: R195 000 - R278 950
Rhavi ra Nhlangano wa Ndzindzakhombo wa Afrika-Dzonga ri lava munhu loyi a nga ta pfala xivandla lexi pfulekeke xa matsalanankulu. Munhu loyi u fanele ku va a pasile tidyondzo ta mabindzu (Akhawuntini na Ikhonomiks) ku katsa Metse na Xitsonga. Tidyondzo leti ti fanele ku va ta le henhla ka giredi ya 12 naswona munhu wa kona a ri ni malembe ya le xikarhi ka 18 na 30. Loyi a nga na digiri ya tidyondzo leti na vuswikoti bya matirhiselo ya khomphyuta kun'we ni phepha ro chayela, u ta va eka xiyimo lexinene xa ku va un'wana loyi a nga ta vitaniwa ku nghenela inthavhiyu.
Munhu loyi u fanele ku va ni ntokoto wa ku tirhana ni timhaka ta swa timali, vutiyimeseri, vutinyiketeri na ku tirha tiawara to leha hi siku. Minkarhi yin'wana u ta fanela ku kumeka a ri karhi a teka marendzo lamo leha.
Siku ro pfala ra ku amukela swikombelo swa ntirho lowu i 5 Sunguti 2009
KUMBE
Kokwana wa wena loyi a hanyeke malembe yo tala u hundzile emisaveni endzhaku ka mavabyi ya nkarhinyana. Tsala matimu lama nga ta hlayeriwa vakhandli-va-nhlonge hi siku ra nkosi. [30]
KUMBE
Hi ku leteriwa hi xifaniso lexi nga laha hansi xa malume na ntukulu, tsala mbulavulo lowu u nga ta hlayela vadyondzikuloni ni vaakatiko eka siku ra timfanelo ta vanhu.
Xitshuriwa lexi xi huma eka Vutivi bya Vutomi pheji 15 30 NTSENGO WA XIYENGE XA B: 30
XIVUTISO XA 3
Hlawula nhlokomhaka yin'we ntsena leyi u yi twisisaka swinene kutani u tsala xitsalwambiko hi yona, kambe u nga humi emhakeni.
Rhanga u endla nkunguhato u nga si sungula ku tsala.
Xitsalwambiko xa wena xi fanele ku va kwalomu ka 100 - 120 wa marito.
Exikolweni xa n'wina mi humile rendzodyondzo ku ringana vhiki hinkwaro mi ri karhi mi endzela tindhawu to hambanahambana. Tsala vuxokoxoko bya dayari u ri karhi u kombisa migingiriko hinkwayo ya nkoka leyi humeleleke eka rendzodyondzo leri. [20]
KUMBE
Ku ta va ni nhlawulo wo vhotela khanselara eka wadi ya ka n'wina. Tumbuluxa phositara yo navetisa ni ku koka rinoko ra vavhoti. [20]
KUMBE
Tsala xinavetiso lexi navetisaka ndhawu yo byala matsavu endhawini ya ka n'wina. Xinavetiso lexi xi fanele ku koka rinoko ni ku endla leswaku vanhu va tiva lomu va nga xavaka kona matsavu. [20]
NTSENGO WA XIYENGE XA C: 20
NTSENGO WA TIMARAKA:100
Vundzeni bya papila leri a byi tirhisiwi handle ka mpfumelelo wa ntsariso
